Бишкек, 13.09.21. /Кабар/. Баткен облусунун Лейлек районунда Исфана - Кайрагач унаа жолунун 13-чакырымында Honda Stepwgn жана Honda Fit үлгүсүндөгү унаалар кагышкан. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, кырсыктын кесепетинен 1991-жылы туулган Х.А. жана 1978-жылы туулган М.Т. аттуу эки эркек каза болуп, 7 адам ар кандай жаракаттарды алышкан.
Жерине Л 3 куткаруучу тартылып, унаада кыпчылып калган адамдын сөөгүн чыгарып, милиция кызматкерлерине өткөрүп беришкен.
Жабыркаган жарандар тез жардам кызматы аркылуу Сүлүктү шаардык ооруканасына жеткирилди.
Пикир
Оставить комментарий