Бишкек, 21-апрель /Кабар/. Базар-Коргондо салаттан ууланган бейтаптардын абалы туруктуу. Бул тууралуу КР Саламаттык сактоо министрлигинин басма сөз кызматы билдирди.
Эскерте кетсек, Жалал-Абад облусунун Базар-Коргон районунда кыз узатуу тоюнда адамдар салаттан ууланышкан. Эки күндүн ичинде ооруканага 33 адам жаткырылган.
Жалал-Абад облусу боюнча координатор Маматжан Мияновдун айтымында, 2017-жылдын 21-апрелинде стационардык дарыланууда 24 бейтап бар, анын ичинен 4 бала дарыланууда.
“Бейтаптардын абалы туруктуу. 20-21-апрелде 11 адам ооруканадан чыгарылган. Бүгүн дагы экөөнү чыгаруу пландалууда. Учурда калгандарын дарылоо улантылууда”, -деп белгиледи М.Миянов.
Бардык бейтаптар зарыл болгон дары-дармектер менен жетиштүү санда камсыздалган.
Пикир
Оставить комментарий