Бишкек, 09.07.24. /Кабар/. Президент Садыр Жапаров “Бажы иши чөйрөсүндөгү кылмыштар маселелери боюнча КР айрым мыйзам актыларына өзгөртүүлөрдү киргизүү жөнүндө” Кыргыз Республикасынын мыйзамына кол койду.
Президенттин басма сөз кызматынан билдиришкендей, мыйзам 2024-жылдын 5-июнунда Жогорку Кеңеш тарабынан кабыл алынган.
Мыйзам менен КР Кылмыш-жаза процессуалдык кодексине жана Кылмыш-жаза кодексине өзгөртүүлөр киргизилип, аларга ылайык бажы органдарына Кыргыз Республикасынын Кылмыш-жаза кодексинин 231-беренесинде (Экономикалык контрабанда), 241-беренесинде (Бажы төлөмдөрүн төлөөдөн качуу), 285-беренесинде (Кыргыз Республикасынын бажы чек арасы аркылуу алып өтүүнүн атайын эрежелери белгиленген буюмдардын контрабандасы) көрсөтүлгөн кылмыштар боюнча тергөө жүргүзүүгө ыйгарым укук берилет.
Пикир
Оставить комментарий