Бишкек, 28.12.18. /Кабар/. Экономикалык кылмыштуулукка каршы күрөш мамлекеттик кызматынын кызматкерлери Бажы кызматынын мурдагы төрагасы Адамкул Жунусовду Кыргызстанга алып келишти.
Ал бүгүн финполициянын кызматкерлеринин коштоосунда Ажербайжандан Бишкекке экстрадицияланган. Ведомстводон кабарлашкандай, Жунусов 4-декабрда Бакунун аэропортунда колго түшкөн.
Эске сала кетсек, Финансы полициясы, Башкы прокуратура жана Интерпол биргеликте Жунусовду Кыргызстанга экстрадициялоо боюнча сүйлөшүүлөрдү жүргүзүп келишкен.
Жунусовго 2018-жылдын августунда издөө жарыяланган. Ал "Кызматтык абалына кыянаттык менен пайдалануу" беренеси боюнча айыпталууда.
Бишкектин Биринчи май райондук соту аны камакка алуу жөнүндө чечим чыгарган.
Пикир
Оставить комментарий