Бишкек, 18.04.22. /Кабар/. “Манас” бажысынын кызматкерлери 13 млн сомго аба кемелеринин декларацияланбаган фактысын аныкташты. Бул тууралуу Мамлекеттик бажы кызматынан билдиришти.
Маалыматка ылайык, 2021-жылдын 26 жана 30-июлунда Кыргызстандын аймагына Пакистан-Бишкек маршруту боюнча каттамдар менен “А.М.Э” ЖЧКсынын дарегине “AVRO 146 –RJ85” эки аба кемеси келгендиги аныкталган. Борттогу товарлардын наркы 12 млн 971 миң 63,27 сомду түзгөн.
ЕАЭБдин мыйзамдарына ылайык, товарларды бажы жол-жобосуна жайгаштыруу менен байланыштуу бажы операцияларын жүргүзүү каралган. Аталган аба кемелерине карата келген учурдан баштап кандайдыр бир бажы операциялары жүргүзүлгөн эмес.
Бул факт КБР АМС МЭЖге катталган, материалдар ведомстволугуна караштуулугу боюнча КР Башкы прокуратурасына берилген.
Пикир
Оставить комментарий