Бишкек, 10.10.23. /Кабар/. Бүгүн, 10-октябрда саламаттык сактоо министри Алымкадыр Бейшеналиев Бишкек шаарынын Перинаталдык борборуна барып, көрсөтүлгөн медициналык жардамдын сапатын жогорулатуу боюнча милдеттерди койду.
Ведомстводон билдиришкендей, министр борбордун башкы дарыгери менен бирге кабыл алуу бөлүмүн, кош бойлуу аялдардын патологиясы, неонаталдык реанимация бөлүмдөрүн, операциялык бөлүмүн, клиникалык диагностика бөлүмүн кыдырып чыгып, саламаттык сактоо уюмунун иши менен таанышты. маалымат бөлүмүнө кирип, анда саламаттык сактоодогу санариптик чечимдерди ишке ашыруу боюнча иштердин жүрүшү менен таанышты.
Иш сапардын жүрүшүндө башкы дарыгер Жамила Марипова Перинаталдык борбордун иши боюнча маалымат берди. Борбордо 385 керебет иштеп, 444 кызматкер эмгектенип келерин маалымдады. 2023-жылдын 9 айында 17 421 бейтап кабыл алынып, 7 336 төрөт катталып, 7 407 бала төрөлгөн, анын ичинен 856 ара төрөлгөн, 4 үч эм, 131 эгиздер төрөлгөн. Акыркы 2 жылда Шаардык Перинаталдык борбордун төрөт бөлүмүндө, балдар реанимациясында, төрөт бөлүмүндө оңдоо иштери жүргүзүлүп, тепкичтер, имараттын фасады, жылытуу системасы оңдолду. Жаңы төрөлгөн ымыркайлар үчүн жабдуулар жана лабораториялар сатылып алынганын белгиледи.
Бишкек шаардык перинаталдык борборго болгон иш сапарынын жыйынтыгында министр кош бойлуу аялдарга, төрөт учурундагы жана төрөттөн кийинки аялдарга шарт түзүү максатында керебеттердин мүмкүнчүлүктөрүн карап чыгуу тапшырмасын берди. Төрөттүн жана жаңы төрөлгөндөрдүн электрондук каттоосун ишке ашырууну тездетүүнү тапшырды.
Пикир
Оставить комментарий