Биринчи май районунун акими «Peshcombishkek» активисттери менен бирге велосипед менен шаарды айланды

Бишкек, 02.08.21. /Кабар/. Биринчи май районунун башчысы Максат Нусувалиев «Peshcombishkek» кыймылынын өкүлдөрү менен жолугуп, райондун көчөлөрүн кыдырып чыкты. Бул тууралуу мэриянын басма сөз кызматы билдирет.

Активисттер шаар бийлигине велоспорттун өнүгүүсү боюнча каалоолорун жеткирүү мүмкүнчүлүгүнө ээ болгонуна абдан кубанышты.

Аким шаардыктарды угуп, райондун веложолдорунун көйгөйлөрү менен жеке таанышып, жооптуу кызматкерлерге бир катар тапшырмаларды берди жана активисттерди колдоого, сунуштарды кабыл алууга даяр экенин билдирди.

Эске салсак, бул акимдин «Peshcombishkek» кыймылынын өкүлдөрү менен экинчи жолугушуусу, коомчулуктун өкүлдөрү Абдрахманов көчөсүндөгү велосипед жолундагы кырдаалды тынчтык жолу менен жөнгө салуу маселеси боюнча чакырылган. Акциядан кийин алар социалдык тармактарга кайрылуу жазып, Биринчи май районунун акиминен бул ишке жооп берүүнү суранышкан.