Бишкек мэри БУУнун Кыргызстандагы туруктуу координатору менен жолугушту

Бишкек, 05.08.24. /Кабар/. Бишкек шаарынын мэри Айбек Жунушалиев БУУнун Кыргызстандагы туруктуу координатору Грав Антьенин жолугушту.

Муниципалитеттен билдиришкендей, тараптар Бириккен Улуттар Уюмунун Туруктуу өнүгүү максаттарынын Бишкек шаарында биринчи ыктыярдуу жергиликтүү сереп баяндамасын даярдоону талкуулашты.

Айбек Жунушалиев Бишкек мэриясы БУУнун эч кимди артта калтырбоо принцибине өзгөчө маани берерин баса белгиледи.

"Баары бирдей өнүгүүсү керек. Шаарда бүгүнкү күндө жол жана туризм инфраструктурасынын деңгээлин көтөрүү боюнча чоң аракеттер көрүлүүдө», - деп белгиледи мэр.

Грав Антье Бишкек шаарынын мэриясы тарабынан жасалып жаткан жакшы иштерди баса белгиледи.

"Мэриянын аткарып жаткан жигердүү иштерин көрүү кубандырат. Жолугушуунун алдында мен биздин агенттиктен муниципалитет тарабынан кандай иштер аткарылып жатканын айтып берүүнү сурандым. Мен жакшы сын-пикирлерди алдым. Айрыкча Туруктуу өнүгүү максаттарын ишке ашырууда чындап эле жакшы иштер аткарылып жатат", - деди Грейв Антье.

Бишкек шаарынын мэриясы БУУнун Биргелешкен программасынын алкагында Бишкек шаарынын деңгээлинде Туруктуу өнүгүү максаттарын ишке ашырууга багытталган жаңы долбоор даярдады, ал ТӨМ 11 (туруктуу шаарлар), ТӨМ 13 (климаттык аракеттер) жана ТӨМ 17 (глобалдык өнөктөштүк).

Долбоор көптөгөн өтүнмөлөрдүн арасынан тандалып алынган, Бишкек шаары ыктыярдуу жергиликтүү серепти жана анын сунуштарын улантууда бул долбоордун негизги объектиси болуп саналат.

Долбоор БУУнун ТӨМ фонду боюнча глобалдык комиссиясы тарабынан дүйнөнүн көптөгөн өлкөлөрүнүн ичинен тандалып алынган.

Бул программа БУУ ЕЭКтин акылдуу туруктуу шаарынын профилин жана 2025-жылы ыктыярдуу жергиликтүү серепти андан ары ишке ашыруу жана даярдоо үчүн Бишкек шаарынын ТӨМ ыктыярдуу жергиликтүү серебинин натыйжаларын колдонот.

Негизги багыттарга маалымдуулукту жогорулатуу, шаарды кеңейтүүнү талдоо, кызыкдар тараптардын картасын түзүү, потенциалды жогорулатуу жана климат, биоартүрдүүлүк, абанын булганышы жана санариптик трансформация темалары боюнча жергиликтүү ТӨМ ишке ашыруу тактасын түзүү кирет.

2024-2025-жылдар аралыгында ишке ашат жана башка шаарларда тажрыйбаны кайталоо жана масштабдоо мүмкүнчүлүгүнө багытталган.