Бишкек, 07.08.24. /Кабар/. Бишкек шаарында Айбек Жунушалиев БУУнун Өнүктүрүү программасынын Кыргызстандагы туруктуу өкүлү Александра Соловьева менен жолугушту.
Муниципалитеттен билдиришкендей, жолугушууда калаа башчысы туруктуу өкүлгө Бишкек шаарында ишке ашырылып жаткан долбоорлорго ыраазычылык билдирди. Ал ошондой эле ТӨМ ыктыярдуу жергиликтүү сереп сунуштарын ишке ашыруу үчүн Бишкек шаары утуп алган гранттын маанилүүлүгүн белгиледи.
"Бул каражаттар келечекте башка инвестициялык жана башка долбоорлорду ишке ашыруу үчүн аянтча түзүүдө. Мен жана менин командам тийиштүү деңгээлде даярдану уну көздөп жатабыз", - деп кошумчалады мэр.
Жунушалиев ошондой эле ТӨМдү ишке ашыруунун алкагында Кыргызстандагы БУУнун Өнүктүрүү программасы менен тыгыз кызматташуу тийиштүү деңгээлде даярданууга жардам берерин кошумчалады.
Өз кезегинде Александра Соловьева баяндаманы даярдоону жана башка биргелешкен демилгелерди жана долбоорлорду колдой турганын белгиледи.
Андан кийин борбор калаанын мэри Бишкек шаарында аткарылып жаткан иштер жана айлана-чөйрөнү, инфраструктураны жана башкаларды жакшыртуу жаатындагы жакынкы пландарга токтолду.
Соловьева Бишкек шаарынын мэриясы кабыл алынган чечимдердин алкагында КР БУУнун Өнүктүрүү программасын чечүү жолдору катары кароо керектигин белгиледи.
Жолугушуунун соңунда тараптар мындан аркы кызматташууга ишенимин билдиришти.
Маалымат үчүн: Бишкек шаарынын мэриясы Бишкек шаарында БУУнун Туруктуу өнүктүрүү максаттарына жетишүү боюнча биринчи ыктыярдуу жергиликтүү серепти даярдап жатат. БУУнун Өнүктүрүү программасы 2023-жылдын октябрында өткөн тааныштыруу семинарын уюштурууга колдоо көрсөттү.
Пикир
Оставить комментарий