Бишкек, 29.12.23. /Кабар/. Бишкек мэри Айбек Жунушалиев менен Сауд Аравия Падышачылыгынын Кыргызстандагы элчиси Ибрахим бин Ради Аль-Ради менен жолугушту.
Муниципалитеттен билдиришкендей, жолугушууда Бишкек менен Сауд Аравиянын шаарларынын ортосундагы соода-экономикалык, инвестициялык жана маданий-гуманитардык кызматташуу, анын ичинде эки өлкөнүн борбор шаарларынын ортосундагы мамилелерди мындан ары да чыңдоо маселелери талкууланды.
Келе жаткан 2024-жылы Бишкек шаары менен Эр-Рияд шаарынын ортосунда кызматташууну түзүү боюнча келишимге кол коюу пландалууда.
Жолугушуу жылуу, достук маанайда өттү.
Пикир
Оставить комментарий