Бишкек, 20.01.22. /Кабар/. Бишкек шаарынын мэри Айбек Жунушалиев Монголиянын Кыргызстандагы элчиси Ганхуяг Содном менен жолугушту. Бул тууралуу муниципалитеттин басма сөз кызматы билдирет.
Маалыматка ылайык, тараптар Бишкек жана Улан-Батор шаарларынын ортосундагы тажрыйба алмашуу мүмкүнчүлүгүн талкуулашты.
Борбордун мэри өз ара пайдалуу кызматташтыкты өнүктүрүүнүн маанилүүлүгүн, тактап айтканда, Бишкек Монголиянын борборунун түтүн менен күрөшүү тажрыйбасына кызыкдар экенин, өз кезегинде Улан-Батор Бишкектеги жашылдандыруу технологияларын колдонууга даяр экендигин белгиледи.
Муниципалитет эки мамлекеттин борборлорунун ортосундагы кызматташуу боюнча келишимдин долбоорун даярдады.
Пикир
Оставить комментарий