Бишкек, 03.12.18. /Кабар/. Кар көчкү коркунучуна байланыштуу Бишкек-Ош унаа жолунун тоолуу аймактарында карды мажбурлап аткылап түшүрүү иштери жүрөт. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, үстүбүздөгү жылдын 5-декабрына чейин унаа жолдун 132-137, 198-265-чакырымдарында коопсуздукту камсыздоо жана адамдардын өлүмүнө жол бербөө максатында карды аткылап түшүрүү иштери жүргүзүлөт.
Белгилей кетсек, кечээ, 2-декабрда Бишкек-Ош унаа жолунун 246-чакырымында кар көчкүсүн атып түшүрүү иш-чаралары жүргүзүлгөн.
Пикир
Оставить комментарий