Бишкек, 21.01.19 /Кабар/. 21-23-январына чейин жаап өткөн жана күтүлүп жаткан жаан-чачынга байланыштуу Кыргызстандын тоолуу райондорунда кар көчкү түшүүcү жана кар күрткүсү күтүлөт, жолдор тайгак болуп муз тоңот.
Бишкек-Ош автоунаа жолунун 198-255 чакырымдарында (Ала-Бел ашуусу, Чычкан капчыгайы) кар көчкү түшүүcү күтүлөт.
Ушундай эле абал Ала-Бука-Каныш-Кыя автоунаа жолунун 68-99 чакырымдарында (Чапчыма ашуусу), Красная Горка-Ак-Таш автоунаа жолунун 1-4 чакырымдарында жана Мырза-Аке-Кара-Кулжа-Алайкуу автоунаа жолунун 65-90, 95-130 чакырымдары, Казарман-Актал-Чат автоунаа жолунан 43-44 чакырымдары (Ийри-Суу участкасы) 67-90 чакырымдары (Кара-Гоо ашуусу), Каракол-Эңилчек авто унаа жолунун (Чоң-Ашуу ашуусу) 45-92 чакырымдарында күтүлөт.
Унаалардын ортосундагы 500 метр аралык кыймыл чектелиши зарыл.
ӨКМ Кыргызстандын тоолуу унаа жолдору аркылуу сапарга чыгып жаткан айдоочуларга төмөнкү эрежелерди так сактоону эскертет:
– ӨКМден берилген шашылыш билдирүүгө, аба-ырайы тууралуу маалыматка өзгөчө көңүл буруу;
– тоолуу унаа жолдордо унаалардын ортосундагы 500 метр аралык кыймылы чектелиши зарыл;
– кышкы дөңгөлөктөр;
– күрөкчө, чынжырча, аптечка болуусу зарыл.
Өзгөчө кырдаалга кабылсаңыз 112 кызматына чалыңыз, чалуу акысыз.
Пикир
Оставить комментарий