Бишкек, 17.12.17./Кабар/. Бишкек-Ош унаа жолунун 299-чакырымында жол кырсыгы катталып, 7 адам каза болду. Бул тууралуу ӨКМнин басма сөз кызматы билдирет.
“Эки унаа кагылышып, натыйжада 7 адам каза болуп, дагы үчөө жабыркады. Жабыркагандар Токтогул райондук ооруканасына жеткирилди. Ал эми каза болгондор Токтогул райондук ооруканасынын өлүк сактоочу жайына жеткирилди”,-деп айтылат маалыматта.
Учурда укук коргоо кызматкерлери тарабынан кырсыктын себептери такталууда.
Билдирүүдө айтылгандай, каза болгондордун жана жабыркагандардын өздүгүн тактоо боюнча иштер жүрүүдө.
Пикир
Оставить комментарий