Бишкек шаарына 145 жыл. Эртең Чүй проспектисинин бир бөлүгү жабылат

Бишкек, 28.04.23. /Кабар/. Эртең, 29-апрелде Бишкек шаарынын 145 жылдыгына карата Ала-Тоо аянтында майрамдык концерт өтөт.

Муниципалитеттен билдиришкендей, буга байланыштуу эртең саат 16:00дөн 00:00гө чейин Чүй проспектисинин Панфилов көчөсүнөн Эркиндик бульварына чейинки бөлүгү унаа кыймылы үчүн жабылат.

Бишкек мэриясы келтирилген ыңгайсыздык үчүн кечирим сурайт жана каттамды алдын ала пландаштырып алууну суранат.