• 89.43
  • 96.86
  • 0.95

Бишкек шаарынын 2050-жылга чейинки Башкы планын иштеп чыгуу талкууланды

Коом 0

Бишкек, 26.06.23. /Кабар/. Бишкек мэри Эмилбек Абдыкадыров борбор калаанын 2050-жылга чейинки Башкы планын иштеп чыгуу жана Ала-Арча жана Аламүдүн дарыяларынын жээктерин жакшыртуу боюнча жыйын өткөрдү.

Муниципалитеттен билдиришкендей, мэр стратегиялык документти иштеп чыгууда инженердик коммуникацияларды жайгаштыруу, экологиялык аспектилерди эске алуу, өндүрүштүк жана коомдук аймактардын жайгашуусун кайра карап чыгуу, жашылдандыруунун балансын сактоо менен системалуу мамиле жасоо керектигин белгиледи.

Жыйындын жыйынтыгында Эмилбек Абдыкадыров шаарды өнүктүрүү концепциясын иштеп чыгууну, Башкы планды иштеп чыгуучулардын авторлорун калыптандырууну жана конкреттүү мөөнөттөрүн жана ишке ашыруунун этаптарын көрсөтүү менен кадамдык иш-чаралардын планын иштеп чыгууну тапшырды. Ал ошондой эле "Бишкекбашкыплан долбоорлоо институту" муниципалдык ишканасына керектүү базаны түзүү зарылдыгына токтолду.

Ошондой эле калаа мэри Аламүдүн жана Ала-Арча дарыяларынын жээгинде эс алуу жайларын түзүү үчүн алдын ала долбоорду макулдашып, узундугу 1 чакырымды түзгөн аянтты көрктөндүрүүнү баштоону тапшырды.

Белгилей кетсек, жыйынга мэрдин орун басарлары жана шаардык кызматтардын жооптуу жетекчилери катышты.

Пикир

Оставить комментарий