«Бишкекгаз» калкты тейлөө борбору беш күндүк иштөө режимине өтөт

Бишкек, 29.03.24. /Кабар/. Жылуулук берүү мезгилинин аякташына байланыштуу «Бишкекгаз» калкты тейлөө борбору беш күндүк иштөө режимине өтөт.

Компаниянын басма сөз кызматынан билдиришкендей, 30-марттан тарта калкты тейлөө борбору ишемби күндөрү иштебейт. Борбор жаңыланган графиги боюнча иш күндөрү: саат 8:00дөн 17:00гө чейин иштейт, түшкү тыныгуусуз.

Тейлөө борбору Максим Горький, 22 дарегинде жайгашкан.