Бишкекте №17 троллейбустук каттам убактылуу жабылат

Коом 0

Бишкек, 20.06.24. /Кабар/. Учурда Ахунбаев жана Байтик баатыр көчөлөрүндө капиталдык оңдоо иштери жүргүзүлүүдө.

Муниципалитеттен билдиришкендей, бүгүндөн тарта Байтик баатыр көчөсүнүн Горький көчөсүнөн Бөкөнбаев көчөсүнө чейинки бөлүгү коомдук транспорт үчүн жабылды.

Буга байланыштуу эртең, 21-июндан тарта №17 троллейбустук каттам убактылуу жабылат.

Бишкек шаарынын мэриясы борбор калаанын тургундарын жана конокторун каттамдарын пландаштырууда бул өзгөртүүлөрдү эске алууну суранат.

Пикир

Оставить комментарий