Бишкек, 20.11.20. /Кабар/. Бүгүн Кыргызстандын бардык аймактарынан келген мектеп ашпозчулары арасында сынак болуп өттү. Бул тууралуу Билим берүү жана илим министрлигинин басма сөз кызматы билдирет.
Маалыматка ылайык, ашпозчулардын сынагы 2019-жылдын ноябрь айында жарыяланып, бир нече этапта өткөрүлдү. Бүгүн, 20-ноябрда финалда бардык коопсуздук чараларын эске алуу менен эң мыкты деп табылган беш оригиналдуу рецепттин авторлору “2020-жылдын мыкты мектеп ашпозчусу” наамы үчүн ат салышты.
Белгилей кетсек, сынакты КР Билим берүү жана илим министрлиги, БУУнун Дүйнөлүк азык-түлүк программасы (БУУ ДАТП) жана Тамак-аш өнөр жай институту уюштурган.
Пикир
Оставить комментарий