Бишкек, 01.11.18. /Кабар/. Бишкектеги Абдрахманов жана Баялинов көчөлөрүнүн кесилишинде 3 унаанын катышуусунда жол кырсыгы катталган. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, кырсык кечээ, 31-октябрда болжол менен түнкү саат 23:20лар чамасында катталган.
Анда “Дэу Матиз”,“Мерседес-Бенц” жана “Хонда Фит” үлгүсүндөгү унаалар кагылышкан. Натыйжада 7 адам (4 эркек жана 3 аял) жабыркаган.
Окуя болгон жерге ӨКМдин куткаруучулары келип, “Дэу Матиз” унаасынын ичине кыпчылып калган жүргүнчүнү алып чыгып, тез жардам кызматынын кызматкерлерине өткөрүп беришкен.
“Жабыркаган 6 адамга (3 эркек киши жана 3 аял киши) тез жардам кызматкерлери биринчи медициналык жардам көрсөтүшүп, №4 ооруканага алып кетишкен”, - деп кабарлашты ӨКМ кызматынан.
Пикир
Оставить комментарий