Бишкекте төрт троллейбус каттамы автобустарга алмаштырылды

Бишкек, 25.11.24. /Кабар/. Бишкек шаарында төрт троллейбус каттамы автобустук каттамдарга алмаштырылды.

Муниципалитеттен билдиришкендей, учурда борбор калаада №4, №5, №8 жана №10 автобустар троллейбус каттамы менен жүрөт.

Белгилей кетсек, троллейбус каттамдарын алмаштырууга жаңы автобус линиялары ишке киргизилет. Автобустар келген учурда №14 жана №17 троллейбус каттамдары калыбына келтирилет.

Эскерте кетсек, Азия өнүктүрүү банкынын каржылоосунун аркасында эки троллейбустук автобазада электр кубаттоочу түзүлүштөр орнотулуп, капиталдык оңдоо иштери жүрүп жатат. Буга байланыштуу троллейбус кыймылы убактылуу токтотулду.

Троллейбустардын ордуна эл аралык стандарттарга жооп берген заманбап электробустар жарандарды тейлейт.