Бишкекте Аламүдүн дарыясынын нугу тазаланып, 4 миң тонна таштанды чыгарылды

Бишкек, 30.12.24. /Кабар/. Бишкекте Аламүдүн дарыясынын нугун тазалоо иштеринин кезектеги этабы аяктады.

Муниципалитеттен билдиришкендей, тазалоо иштеринин натыйжасында 4 миң тоннадан ашык таштанды чыгарылды.

Белгилей кетсек, Ала-Арча жана Аламүдүн дарыяларынын нугун тазалоо иштери калктын коопсуздугун камсыздоо жана кыш мезгилинде муз тыгындарын алдын алуу максатында жай айларында башталган.