Бишкекте аскердик кармаш уруш боюнча ачык чемпионат өтөт

Бишкек, 09.11.24. /Кабар/. 13-15-ноябрда "Динамо" спорт комплексинде аскердик кармаш уруш боюнча Кыргыз милициясынын 100 жылдыгына карата Эргеш Алиевдин жаркын элесине арналган ачык чемпионат өтөт.

Дене тарбия жана спорт департаментинен билдиришкендей, мелдешке республикасынын бардык аймактарынан спортчулар катышат.

Анда эркектер: 60, 65, 70, 75, 80, 85, 90, +90 кг салмакта, кыз-келиндер 60, 65, 70, +70 кг салмакта жана комплекстүү жекеме-жеке урушуу боюнча 73, 83, +83 килограмм салмакта күч сынашат.

Финалдык беттештер 15-ноябрда башталат.

Жеңүүчүлөргө Спорттун олимпиадалык эмес түрлөрү боюнча дирекциясы жана аскердик кармаш уруш боюнча федерациясы тарабынан дипломдор жана медалдар тапшырылат.