Бишкекте бир жумада 43 кылмыш жана жоруктардын бети ачылды

Бишкек, 08.03.21. /Кабар/. Бишкек шаарынын аймагында 2021-жылдын 26-февралынан 4-мартына чейинки аралыкта 43 кылмыш жана жоруктардын бети ачылды.

Милициянын кайгуул кызматынан билдиришкендей, анын ичинен:

уурдоо – 4;
тоноо – 2;
ээнбаштык – 17;
үй-бүлөлүк зомбулук – 15;
башка жоруктар – 5.

Мындан тышкары, 2021-жылдын 26-февралынан 4-мартына чейин “102” номерине ар кайсы багыттар боюнча жарандардан 1 миң 332 чалуу болуп, ал ыкчам жана сапаттуу тейленгендиги маалымдалат.