Бишкек, 15.11.21. /Кабар/. Бишкекте дайынсыз болуп жаткан 13 жаштагы Мырзайым Каниметова табылды. Бул тууралуу Октябрь райондук милициясынын басма сөз кызматы билдирди.
Эскерте кетсек, бүгүн, 15-ноябрда А.Э. аттуу жаран өзүнүн 13 жаштагы кызы (Мырзайым Каниметова) 14-ноябрда саат 15:00дө Жантөшев көчөсүндөгү үйүнөн чыккан бойдон кайтып келбегенин айтып, арыз менен кайрылган.
Ошол замат Октябрь РИИБнин шаардык милициясынын төртүнчү бөлүмүнүн кызматкерлери тарабынан дайынсыз жоголгон кызды издөө иштери жүргүзүлгөн. Издөөнүн жүрүшүндө кыз Шота Руставели көчөсүндө жайгкашкан курбусунун үйүнөн табылып, аман-эсен ата-энесине өткөрүлүп берилди.
Өз кезегинде, кыздын ата-энеси милиция кызматкерлерине өз убагында ыкчам чара көрүп, жардам көрсөткөндүгү үчүн ыраазычылык билдирди.
Пикир
Оставить комментарий