Бишкек, 11.03.21. /Кабар/. Бишкекте кайгуул кызматкерлери киши өлтүрүүгө шектүү жаранды кармады. Бул тууралуу Милициянын кайгуул кызматынын басма сөз кызматы билдирет.
Маалыматка ылайык, күн мурун, 10-мартта болжол менен саат 07:08 чамасында Бишкек шаардык милициясынын "102" кызматына Ахунбаева көчөсүндө жайгашкан үйлөрдүн биринде кишинин сөөгү жатат деген маалымат келип түшкөн.
Айтылган дарекке келген милициянын кайгуул кызматкерлери 1979-жылы туулган Т.Д. аттуу адам киши колду болуп өлгөндүгүн аныкташкан.
Чакыруу менен келген милициянын кайгуул кызматкерлери ыкчам издөө иш-чараларын жүргүзүп, кылмышка шектүү катары 1967-жылы туулган Б.О. аттуу жаранды кармашкан. Шектүү учурда Октябрь райондук ИИБнын Тергөө кызматына жеткирилген.
Аталган факт Октябрь райондук ИИБсы тарабынан Кылмыштардын жана жоруктардын бирдиктүү реестрине катталып, сотко чейинки өндүрүшкө алынды.
Пикир
Оставить комментарий