Бишкек, 30.03.22. /Кабар/. Бүгүн, 30-мартта Кыргызпатент Кыргызстандын креативдүү индустриялар ассоциациясы жана «Тамчы Тасма» продакшн-студиясы менен бирге «Кино-шам» тематикалык пикир алмашуу (Нетворк) иш-чарасын өкөрдү. Бул тууралуу Кыргызпатенттен билдиришти.
Нетворкингдин максаты – креативдүү чыгармачыл чөйрөнү өнүктүрүү, киноиндустриядагы автордук укук жана чектеш укуктарды, товардык белгилерди каттоо, заманбап турмушта кыргыз тасмаларын өндүрүү боюнча коомчулуктун маалыматтуулугун жогорулатуу.
Тематикалык пикир алмашуу иш-чарасын Кыргызпатенттин директору Рахат Керимбаева ачып берип, кыргыз кино тармагынын келечегине ишене тургандыгын билдирип, Кыргызпатент кино чөйрөсүн ар тараптан колдооого даяр экендигин билгиледи.
"Кино-Шам" иш-чарасына белгилүү маданий ишмерлер, режиссерлор жана кино актерлор катышып, Кыргызстандагы киноиндустриянын бүгүнкүсүн жана келечегин талкуулашты.
Кино чыгармачылыкка арналган иш-чара Кыргызпатенттин Инновациялык борборунда уюштурулду.
Пикир
Оставить комментарий