Бишкек, 21.12.24. /Кабар/. Бишкекте коомдук транспорт кадимки режимде иштеп жатат.
Муниципалитеттен билдиришкендей, саат 09:00гө карата "Бишкек шаардык транспорт" муниципалдык ишканасынын 1041 автобусу каттамга чыккан.
"Муниципалдык коомдук транспорттун иштөө графиги аба ырайынын шарттарына карабастан өзгөрүүсүз калууда. Жарандар коомдук транспорттун кыймылын онлайн режиминде “Менин шаарым” мобилдик тиркемеси аркылуу көзөмөлдөй алышат", - деп айтылат маалыматта.
Белгилей кетсек, күн мурун, 20-декабрда Бишкекте жааган кардын кесепетинен жолдордо тыгын жаралып, 5 муниципалдык автобус кырсыкка кабылган.
Пикир
Оставить комментарий