Бишкек, 05.07.21. /Кабар/ Бишкекте COVID-19 коронавирустук инфекциясына ПЧР-тест тапшырууга кезекке турган жарандардын узун кезеги байкалууда. Бул тууралуу “Кабар” агенттигине окурмандардын бири билдирди.
Анын айтымында, эртең менен ал Оорулардын алдын алуу жана мамлекеттик санитардык-эпидемиологиялык көзөмөл департаментине ПЧР-тест тапшыруу үчүн барган.
“Мен ал жерге эртең мененки саат 9да бардым. Менин алдымда 350 киши кезекте туруптур”, - деди ал. Ошондой эле ал эки-үч күн мурда тууганы менен AquaLab жеке менчик лабораторияга баргандыгын, ал жерде дагы ушундай эле көрүнүш болгонун кошумчалады.
Саламаттык сактоо министрлигинин маалыматына ылайык, акыркы сутканын ичинде 6 миң 356 ПЧР изилдөө жүргүзүлгөн.
Белгилей кетсек, акыркы жумада Кыргызстанда коронавируска чалдыккандардын саны кескин өстү.
Пикир
Оставить комментарий