Бишкек, 16.05.22. /Кабар/. Бишкекте мектептерди оңдоп-түзөө иштери уланууда, анын ичинде эки имаратты бекемдөө иштери жүрүүдө.
Муниципалитеттин басма сөз кызматы билдиргендей, 360 орунга эсептелген №76 орто мектепте 1-2-кабаттарды демонтаждоо иштери аяктап, ички дубалдарын бетондоо иштери жүрүп жатат.
Долбоордун кубаттуулугу 380 окуучуга ылайыкталган №10 орто мектепте ички дубалдарын торкеттештирүү жана терезелерин бекемдөө иштери бүткөрүлдү. Бетон куюу иштери жүргүзүлүүдө. (сейсмикалык тилке).
Эки имараттын тең пайдубалы да бекемделет.
"Белгилей кетсек, №76 мектептин дээрлик бир кылымдык тарыхы бар, ал 1926-жылы, ал эми №10 мектеп 1938-жылы курулган", - деп айтылат маалыматта.
Маалымдама: Торкеттештирүү – бетонду же майда фракциядагы цемент аралашмасын көп катмарлуу чачуу ыкмасы, чоң көлөмдөгү курулуш, калыбына келтирүү же бекемдөө иштерин жүргүзүү үчүн колдонулат. Аларды ишке ашыруу үчүн атайын бетон орнотуулар колдонулат.
Пикир
Оставить комментарий