Бишкек, 31.10.24. /Кабар/. Бишкектин М.Ганди жана Кулиев (азыркы Максат) көчөлөрүнүн кесилишинде жайгашкан 0,164 га муниципалдык жер тилкеси бошотулду.
Муниципалитеттен билдиришкендей, аталган жер тилкесинде 5 капиталдык курулуш, 2 вагон, 1 контейнер, 1 сулуулук салону, 1 дарыкана, 1 чач тарач, 2 дүкөн, 1 тандыр, 1 ажаткана жана 2 мурда башка максатта колдонулуп келген объект демонтаждалды.
Бул объекттердин баары мыйзамсыз тургузулган жана узундугу 16 метр (батыш тарабында) жана бийиктиги 2,5 метр болгон бир кабаттуу имараттар болгон. Түндүк тарабында имараттардын узундугу 115 метр болгон.
Белгилей кетсек, жер участогун бошотуу Бишкек шаарынын аймагында жерди пайдаланууну тартипке келтирүү жана өз алдынча иштетүүгө каршы күрөшүүнүн алкагында маанилүү кадам болуп саналат.
Пикир
Оставить комментарий