Бишкек, 23.03.23. /Кабар/. Бишкекте окуучулар жана студенттер арасында "Кесибиңди өзгөрт" акциясы өттү. Бул тууралуу Бишкек мэриясы билдирет.
Маалыматка ылайык, иш-чара мэриянын дене тарбия жана спорт, туризм жана жаштар иштери боюнча департаменти тарабынан уюштурулуп, ага 60тан ашык адам катышты.
Иш-чаранын жүрүшүндө "Бишкекжашылчарба" жана "Тазалык" ишканаларынын атайын кийимин кийген жаштар аталган ишканалардын кызматкерлеринин күнүмдүк иштерин аткарышты.
Акциянын максаты - жаштардын мекенчилдигин жогорулатуу, тазалыкчылардын жана жашылдандыруучулардын ишине ыраазычылык билдирүү болуп саналат.
Иш-чара "Балдарга жана жаштарга ыңгайлуу шаар"долбоорунун алкагында өттү.
Пикир
Оставить комментарий