Бишкек, 03.02.21. /Кабар/. Бишкекте өспүрүмдөр арасында дзюдо боюнча Кыргызстандын биринчилиги өтөт. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.
Билдирүүдө айтылгандай, мелдеш 11-12-февралда Каба уулу Кожомкул атындагы спорт сарайында болот.
Чемпионат эл аралык мелдештерге катышуу үчүн дзюдо боюнча улуттук курама команданы түзүү максатында өткөрүлөт.
Спортчулар 16 салмакта күч сынашат:
Өспүрүм балдар арасында 50 кг, 55 кг, 60 кг, 66 кг, 73 кг, 81 кг, 90 кг;
Өспүрүм кыздар арасында 40 кг, 44 кг, 48 кг, 52 кг, 57 кг, 63 кг, 70 кг жана 70 кг салмагынан жогорулар.
Белгилей кетсек, эпидемиологиялык кырдаалга байланыштуу мелдеш көрүүчүлөрсүз өтөт.
Пикир
Оставить комментарий