Бишкек, 10.09.21. /Кабар/. Бишкекте сугат иштери улантылууда. Бул тууралуу шаардык мэриянын басма сөз кызматы билдирет.
8-сентябрдан 9-сентябрга караган түнү шаардагы сугат суусу Чыгыш ЧЧК, Жогорку жана Төмөнкү Транзит каналдарынан берилип, райондорго бөлүштүрүлгөн.
"Таң эртеден баштап “Бишкекжашылчарба” муниципалдык ишканасынын сугатчылары Тыналиев, Сухомлинов, Калык-Акиев, Матыев, Абдрахманов, Исанов, Алма-Атинский, Айтматов, Манас жана Чүй/Манас, Үмөталиев менен Бөкөнбаев көчөлөрүнүн кесилишин сугарышты. Ошондой эле Горький, Театральный, Сейтек, Тагай-Бий көчөлөрү жана 6-кичи райондогу гүлбакчалары сугарылды. Ошондой эле “Адинай”, "Эмен”, Эркиндик бульвары жана “Ынтымак” менен “Ынтымак2” сейил бактарында таңкы сугат иштери өттү", - деп айтылат маалыматта.
Сугат иштери менен биргиликте күн сайын парктардын ичинде чөптөр чабылып, гүлзарлар отолуп турат. Учурда Токомбаев жана Исанов көчөлөрүндө отоо иштери жүрүүдө.
Пикир
Оставить комментарий