Бишкекте түнү мечиттен өрт чыгып, 5 бөлүм тартылды

Бишкек, 18.05.18. /Кабар/. Бишкекте түнү мечиттен өрт чыкты. Бул тууралуу Өзгөчө кырдаалдар министрлигинин (ӨКМ) басма сөз кызматы билдирет.

Өрт болжол менен саат 00:10дор чамасында Баялинов көчөсүндө № 187 дарегинде болгон. Өрт өчүрүү үчүн жерине 5 бөлүм тартылган. Өрт саат 01:01 чамасында чектөөгө алынып, саат 02:41де толугу менен өчүрүлгөн.

Өрттүн кесепетинен 1300 чарчы метр аянт күйгөн. Адам өмүрүнө зыян келтирилген эмес.

Келтирилген материалдык чыгымдар жана өрттүн келип чыгуу себеби такталууда.