Бишкек, 22.04.24. /Кабар/. Бишкекте бүгүн Улуттук жазуучулар союзунун кезектеги XVI жыйыны өтүүдө. Ана республика боюнча бирикменин мүчөлөрү катышууда.
Алгач жыйындын башында Жазуучулар союзунун төрагасы Нурлан Калыбеков 5 жыл ичинде аткарган иштери боюнча отчет берип, бир топ алгылыктуу өзгөрүүлөр болгонун белгиледи.
Ошондой эле съезддин жүрүшүндө Улуттук жазуучулар союзунун жаңы төрагасы шайланары айтылды.
Төрагалыкка төрт талапкер ат салышууда. Алар:
- Улуттук жазуучулар союзунун төрагалыгына КР Эл акыны Жедигер Саалаев;
- КР Эл акыны Кожогелди Кулуев;
- акын, Жогорку Кеңештин мурдагы депутаты Каныбек Иманалиев;
- акын, КР маданиятына эмгек сиңирген ишмер Атантай Акбаров.
Белгилей кетсек, Улуттук жазуучулар союзунун учурдагы төрагасы Нурлан Калыбеков. Ал аталган уюмду 2019-жылдан бери жетектеп келет. Бул орунга төрага 5 жылда бир шайланат.
Союзга жалпы жонунан 570 калемгер мүчө.
Пикир
Оставить комментарий