Бишкек, 06.02.20. /Кабар/. Бишкектеги №173 бала бакчасы балдарды кабыл ала баштады. Бул тууралуу шаардык мэриянын маалымат кызматы билдирди.
Эскерте кетсек, 28-январда №173 бала бакчада суу өтүүчү түтүк жарылган.
Октябрь райондук администрациясы түтүктү оңдоо үчүн 103 миң сом бөлүп, "Савл" компаниясы бала бакчадагы түтүктү калыбына келтирген.
"173 бала бакчадагы оңдоп-түзөө иштери бүтөр замат балдарды кабыл ала баштады. Ошондой эле жылуулук берүү жандандырылды", - деп айтылат маалыматта.
Белгилей кетсек, аталган бала бакчага 530 бала барат.
Пикир
Оставить комментарий