Бишкек, 17.08.22. /Кабар/. Борбор калаанын мэри Бишкек шаардык кеңешинин 2022-жылдын 26-майындагы №30 токтому менен бекитилген «Бишкек-2026. Көрктөндүрүлгөн жана жашыл шаар» шаарды өнүктүрүү программасын ишке ашыруу боюнча иш-чаралардын планын бекитти. Бул тууралуу муниципалитеттин басма сөз кызматынан кабарлашты.
Маалыматка ылайык, иш-чаралардын планы Бишкек шаардык кеңешинин депутаттарынын, эксперттик коомчулуктун өкүлдөрүнүн жана Бишкек шаарынын мэриясынын жооптуу кызматкерлеринин катышуусунда иштелип чыкты.
Иш-чаралар планы шаарды өнүктүрүүнүн негизги багыттары: турак жай-коммуналдык чарба, коомдук транспорт, көрктөндүрүү, экология, социалдык чөйрө боюнча пландаштырылган 170 иш-чарадан турат, ошондой эле шаардын экономикасын жаңы деңгээлге чыгаруу, шаардын бюджетин көбөйтүү, шаарды башкаруунун натыйжалуулугун жогорулатуу жана аны жаңы деңгээлге көтөрүү жолдорун карайт.
Иш-чаралар планы белгиленген максаттарга жетүү жана программанын артыкчылыктуу багыттары боюнча көйгөйлөрдү чечүү үчүн зарыл болгон конкреттүү иш-чаралардын жана иш-чаралардын комплексин, алардын мөөнөттөрүн, аткаруучуларын, каржылоонун өлчөмдөрүн жана алардын булактарын аныктоо менен камтылат. Ал Бишкек шаарынын мэриясынын түзүмдүк бөлүмдөрүнүн жана муниципалдык райондук администрациялардын учурдагы (жылдык) иш пландарын иштеп чыгуу үчүн негиз болуп калат.
Иш-чаралар планын ийгиликтүү ишке ашыруу Бишкек шаарын 2026-жылга чейин өнүктүрүү программасында белгиленген көрсөткүчтөргө жетишүүнү камсыз кылат.
Пикир
Оставить комментарий