Бишкек, 20.11.23. /Кабар/. Бишкектин Ахунбаев көчөсүндөгү имараттардын кирүү топторун жана көрнөк-жарнактарды иретке келтирүү иштери башталды. Бул тууралуу “Бишкекбашкыархитектурадан” билдиришти.
Ведомствонун маалыматына караганда, турак эмес жайлардын ээлерине жана ижарачыларына эскиздик долбоор тааныштырылды.
Курамына тиешелүү орган кызматкерлери кирген атайын топ ижарачылар арасында түшүндүрүү иштерин жүргүздү.
"Аларга “Бишкекбашкыархитектура” МИнин сырткы жарнама жана шаарды көркөм жасалгалоо бөлүмүнүн адистери тарабынан иштелип чыккан эскиздик долбоор тапшырылды, ага ылайык, жарнамалык конструкцияларды алып чыгуу зарыл жана бир жумалык мөөнөттө долбоорго ылайык келбеген көрнөктөрдү өз алдынча бузуу зарылдыгы тууралуу билдирүү тапшырылды", - деп айтылат маалыматта.
Пикир
Оставить комментарий