Бишкекте жол оңдоо иштери уланууда

Бишкек, 23.09.24. /Кабар/. Бишкек шаарынын Жибек Жолу проспектисинде жана Горький көчөсүндө жолду капиталдык оңдоо иштери уланууда.

Муниципалитеттен билдиришкендей, Горький көчөсүнүн Ж. Абдрахманов көчөсүнөн Панфилов көчөсүнө чейинки бөлүгү оңдоп-түзөөдөн соң унаа кыймылы үчүн ачылды.

Ал эми 21-сентябрдан тарта Горький көчөсүнүн Жукеев-Пудовкин көчөсүнөн Юнусалиев көчөсүнө чейинки бөлүгү оңдоо иштерине жабылды. Горький көчөсү менен Жукеев-Пудовкин көчөсүнүн кесилиши ачык болот.

Белгилей кетсек, Горький көчөсү Ч.Айтматов проспектисинен 7-Апрель көчөсүнө чейин капиталдык оңдоодон өтүүдө.