Бишкек, 17.08.22. /Кабар/. Жетим-Тоо кени тууралуу жалган маалымат боюнча кармалган “Полит Узниктин” администратору Ырыс Жекшеналиев Бишкектеги №1 тергөө абагына камалды.
Биринчи май райондук сотунун чечими менен 19 жаштагы блогер тергөө абагына 14-октябрга чейин киргизилди.
Эскерте кетсек, “Полит Узник” баракчасына жарыялаган маалымат боюнча кылмыш иши козголуп, анын администратору Ырыс Жекшеналиев ИИМдин тергөө кызматына чакырылган.
“Полит Узник” баракчасындагы жарыяланган эски видео кээ бир активисттердин жана башка адамдардын жалган жана так эмес маалыматтарды таратуучулардын кызыкчылыгы, ошондой эле Жетим-Тоо кенинин айланасындагы абалды курчутуу максатында коомдук ой-пикирди атайылап манипуляциялоого багытталгандыгы байкалат.
Аталган жагдайда кылмыштын курамы бар экендигине байланыштуу Кылмыш жаза кодексинин 278-беренесинин ("Массалык башаламандык") 3-пунктуна ("Бийлик өкүлдөрүнүн мыйзамдуу талаптарына жигердүү баш ийбөөгө жана массалык баш аламандыктарга чакырыктар, ошого тете жарандарга зомбулук көрсөтүүгө чакырыктар") ылайык кылмыш иши козголгон.
Пикир
Оставить комментарий