Борбор калаада “Панданын мекени – Чэнду жана Бишкек” бизнес-форуму өттү

Экономика 0

Бишкек, 01.06.24. /Кабар/. Борбор калаада “Панданын мекени – Чэнду жана Бишкек” бизнес-форуму өттү. Бул тууралуу Бишкек мэриясы билдирет.

Форумда Кытай Чэнду шаарынын жана Кыргызстандын соода-экономикалык жана логистикалык потенциалы презентацияланды. Иш-чара Чэнду шаарынын элдик өкмөтү тарабынан уюштурулду.

Ага Бишкек шаарынын мэри Айбек Жунушалиев, Кыргызстандын министрлик жана ведомстволорунун өкүлдөрү, ошондой эле Чэнду шаарынан келген 38 ишкер жана 45 жергиликтүү ишкер катышты.

Айбек Жунушалиев презентация жасап, инвестициялык долбоорлорду ишке ашыруу мүмкүн болгон аймактарды белгиледи: өнүккөн инфраструктуралык объектилери бар конуштарды куруу, шаар экологиясын жакшыртуу үчүн жашыл чатырларды жана вертикалдуу бакчаларды орнотуу, имараттардын энергетикалык натыйжалуулугу, инженерлер үчүн курстарды жана квалификациясын жогорулатуу программаларын уюштуруу, архитекторлор жана курулуш жумушчулары алдыңкы технологияларды жана чечимдерди колдонуу, шаар экологиясын жакшыртуу жана жарандардын жашоо сапатын жакшыртуу үчүн жаңы парктарды, скверлерди жана эс алуу аймактарын түзүү, жарыктандырууну контролдоочу имараттарды башкаруунун автоматташтырылган системаларын киргизүү, жылытуу, желдетүү.

Форумда ошондой эле Чэнду шаарынын мэри Ван Фэнчао, башка катышуучулар дагы баяндама жасашты.

Иш-чаранын соңунда кыргыз-кытай ишканаларынын ортосунда кызматташуу келишимине кол коюу аземи болду.

Бизнес-форумдун алкагында 7 меморандум түзүлдү:

  • “Манас” эл аралык аэропорту жана Zhejiang Loong Airlines;
  • «Кыргыз Почтасы» ААК жана Чэнду эл аралык темир жол портунун инвестициялык жана өнүктүрүү компаниясы;
  • Howo Center Co., Ltd. жана CHINA National Heavy-Duty Truck Group Chengdu Ace Commercial Vehicle Co., Ltd.;
  • Бишкек глобалдык соода компаниясы жана Sichuan Baizhou Haimai International Trade Co., Ltd.;
  • Бишкек глобалдык соода компаниясы жана Sichuan Zhongzhi Investment Consulting Co.;
  • «АЮ Холдинг» жана Chengdu Hongmeng Automobile Group Co., Ltd.;
  • Борбордук Азия Эл аралык логистика жана соода палаталары федерациясы жана Чэнду жеткирүү чынжыр ассоциациясы.

Пикир

Оставить комментарий