Бишкек, 14.07.20. /Кабар/. Кыргызстандын премьер-министри Кубатбек Боронов бүгүн өкмөт үйүндө өткөн маалымат жыйынында эмнеге эң негизги, керектүү дары-дармектердин жетишсиздиги пайда болгондугун түшүндүрдү.
Ал билдиргендей, учурдагы түзүлгөн кырдаалга байланыштуу эл тарабынан бардык дары-дармектер сатылып алынган.
“Бүгүнкү күндө жарандарыбыздын үйлөрүндө, мүмкүн ооруп калсам керек болот деп ашыкча алып койгон дары-дармектери турат. Ошондой эле социалдык тармактардан дагы дары-дармектердин кымбат баада сатылып аткандыгын көрүп жатабыз. Мисалга 400 сомдун тегерегинде турган дарыларды 4-7 миң сомго чейин көтөрүп жиберип жатышат. Мен айтып кетээр элем, дары-дармектерди катып коюунун эч кажети жок. Жакынкы убакта бул таңсыктыкты чечебиз”, - деди ал.
Өкмөт башчы белгилегендей, жакынкы арада дары-дармектер Иран, Индия, Кытай жана Беларустан келет. Ошондой эле Өзбекстан менен дары каражаттарын жеткирүү боюнча келишим бар.
Пикир
Оставить комментарий