Бишкек, 02.09.21. /Кабар/. Бостери айылында көлгө чөгүп кеткен эркек кишинин сөөгү табылды. Бул тууралуу Өзгөчө кырдаадар министрлигинин басма сөз кызматы билдирет.
Маалыматка ылайык, 31-август күнү Ысык-Көл районунун Бостери айылындагы "Золотые пески" пансионатынын пляжында 1985-жылы туулган С.Д. атту эркек киши көлгө чөгүп кеткен.
Бүгүнкү күнгө чейин куткаруучулар тарабынан издөө иштери жүргүзүлүп келген. Бүгүн жерине издөө иштерин жүргүзүү үчүн 7 куткаруучу тартылган.
Сууга чөккөн адамдын сөөгү жергиликтүү тургундар тарабынан табылып, туугандарына өткөрүп берилген.
Пикир
Оставить комментарий