“Бул диверсия”. Centerra көзөмөлдөө жана мөңгүлөрдү сканерлөө тутумун өчүрдү – Бөлтүрүк

Бишкек, 17.05.21. /Кабар/. 2 күн мурда "Кумтөр голд компани" компаниясы көзөмөлдөө жана мөңгүлөрдү сканерлөө тутумун өчүргөн. Бул тууралуу бүгүн парламенттин кезексиз жыйынында Centerra Gold Inc компаниясынын Кыргызстандын атынан директорлор кеңешинин мүчөсү Тенгиз Бөлтүрүк билдирди.

Анын айтымында, мөңгүлөрдүн кыймылын көзөмөлдөөчү атайын лазердик өзгөчө тутум дагы бар, эгерде алар сканерленбесе, ал жогорку ылдамдыкты алып, тез бузулуп калса дагы байкалбайт.

“Бул 2019-жылы адам өмүрүн алган кырсыкка алып келген, анда 2 жаран каза болгон. Кечээ "Кумтөр голд компани" компаниясынын менеджери менен байланышууга аракет кылдык, алар бул тутумдун барын жетекчилик тарабынан аралыктан башкаруу үчүн чыгарылып кеткен, башкача айтканда, Торонтодо туруп бул тутумду башкарышат. Бул тутумду өчүрүү менен алар жарандардын өмүрүнө жана коопсуздугуна коркунуч туудуруп жатышат. Эгер ал жакта мөңгүлөр жыла баштаса, ал адамдарды басып калып, кырсык болот. Ал эми эгер мөңгү жылып кетсе, анда анын масштабын айтып болбойт. Бул ачык фактыны жөн гана ишти үзгүлтүккө учуратуу деп айтууга болбойт, бул өлкөгө жана Кумтөрдө иштеген бардык жумушчуларга каршы диверсия”, - деди Бөлтүрүк.

Эскерте кетсек, бүгүн парламенттин жыйынында Тенгиз Бөлтүрүк Centerra Gold Inc компаниясына акыркы окуяларга байланыштуу директорлор кеңешинин курамынан чыгуу боюнча билдирүү жөнөткөн.