Бишкек, 10.09.22. /Кабар/. Эми булут электрондук кол тамгасын Борбордук шайлоо комиссиясынын билим берүү борборлорунан алууга болот. Бул тууралуу Санариптик өнүктүрүү министрлигинин басма сөз кызматы билдирет.
Маалыматка ылайык, министрликке караштуу "Инфоком" мамлекеттик ишканасы менен БШКнын ортосунда 2022-жылдын сентябрынан тартып электрондук булут кол тамгасын берүү боюнча ыйгарым укуктарды берүүгө келишим түзүлгөн.
Кызматташтык "Жарандык жана санариптик билим берүү борборлору" долбоорунун алкагында ишке ашырылууда.
"Инфоком" МИнин адистери БШКнын кызматкерлерин булутка негизделген электрондук кол тамга берүү боюнча окутушту.
Ыйгарым укуктарды берүү ЭБКны калкка берүү чөйрөсүн кеңейтүүгө мүмкүндүк берет, анткени ушул убакка чейин аларды Калкты тейлөө борборлорунан гана алууга мүмкүн болчу болчу.
Белгилей кетсек, электрондук булут кол тамга акысыз берилет.
Санариптик билим берүү боюнча долбоордун багытынын негизги максаты - жарандардын санариптик кызматтарды, электрондук сервистерди пайдалануу үчүн санариптик көндүмдөрүнүн деңгээлин жогорулатуу жана заманбап санариптик технологияларга болгон ишенимин жогорулатуу жана жаштарды Кыргызстанда санариптештирүүнү ар кандай чөйрөдө өнүктүрүүнү колдоого тартуу үчүн.
Пикир
Оставить комментарий