Бишкек, 01.04.24./Кабар/. Бүгүн Жалал-Абад шаарындагы №10 Тайгараев атындагы орто мектебинин 9-10-11-класс окуучуларына Жалал-милиция жана мэр тарабынан чукул жыйын өткөрүлдү.
Жыйынга Жалал-Абад шаарынын мэри жана Жалал-Абад ОИИБдин КККнын башчысы катышты.
Жолугушуунун максаты — жаш өспүрүмдөр арасында коомдук коопсуздукту, кылмыштуулукту, укук бузууларды болтурбоо болуп саналат.
Мэр Эрнис Ормоков балдарга өзүнүн насааттарын айтып ата-эне, мугалимдерди сыйлоого чакырды.
Жалал-Абад ОИИБдин КККнын башчысы Алмаз Жусупов өспүрүмдөр арасында мектептерде топтошуп мушташууларды, мамлекетке таандык болгон ишкана мекемелердин эшик, терезелерин сындырбоону жана түнкү саат 22:00дөн кийин ата-энесинин коштоосу жок жүрүп ар түрдүү кылмышка шериктештик болуудан оолак болууга чакырды.
Соңунда мэр ата-эне, мугалимдерге балдарды тарбиялоодо милиция кызматкерлери менен биргеликте иш алып баруусун эскертти.
Эскерте кетсек, Аксы районунда 18 жаштагы мектеп окуучусу бычак жеп каза болду.
Учурда окуя боюнча териштирүү иштери уланууда.
Пикир
Оставить комментарий