Бишкек, 28.01.19. /Кабар/. Былтыр Өзбекстанда 462 коомдук ажаткана курулган. Бул тууралуу өлкөнүн Туризмди өнүктүрүү боюнча мамлекеттик комитети билдирди.
Мекеменин маалыматына караганда, былтыр туристтерге кызмат көрсөтүүнүн сапатын жакшыртуу максатында санитардык-гигиеналык объектилерди курууну каалагандарга салык жеңилдиктери берилген.
Комитет бул жеңилдиктер тууралуу былтыр сентябрда ишкерлерге СМС-билдирүү жөнөтүү аркылуу кабарлаган. Мекеменин бул аракетин өзбек блогерлери менен социалдык түйүн колдонуучулары сынга алышып, түрдүү шакабалар да пайда болгон.
Расмий маалыматтар боюнча, былтыр Өзбекстанга 5 миллион турист барган. Бул 2017-жылга салыштырганда эки эсеге көп.
Пикир
Оставить комментарий