Бишкек, 16.08.24. /Кабар/. Быстровка ГЭСине жаңы дизелдик генератор орнотулду.
Энергетика министрлигинен билдиришкендей, аталган ГЭС "Чакан ГЭС" ААКка таандык.
"Генератор 380 В кубаттуулугу менен иштеп, ал суу тосмонун, ачып-жапма дарбазасынын көтөргүчтөрүн резервдик электр энергиясы менен камсыздоо үчүн жана алардын ишенимдүү иштешин, ошондой эле башка электр системаларынын ишин камсыздайт", - деп айтылат маалыматта.
Белгиленгендей, мурдагы генератор узак убакыт иштеп, кубаты жетишсиз болгондуктан жарактан чыгып, аны алмаштыруу зарылчылыгы келип чыккан.
Маалымат үчүн: ASCL28S үлгүсүндөгү жаңы еврокожуху бардизелдик генератор 2023-жылы Кытайда өндүрүлгөн. Кубаттуулугу 25 кВА түзөт. Бул генератор жабдуулардын туруктуу иштешин камсыздап гана тим болбостон, ГЭСтин эксплуатациясынын жалпы коопсуздугун да жогорулатат.
Пикир
Оставить комментарий