Бишкек, 30.11.23./Кабар/. Чүй айылында эки кабаттуу турак үйдөн өрт чыкты. Бул тууралуу Өзгөчө кырдаалдар министрлигинен билдиришти.
Маалыматка ылайык, аталган айылда турак үйдөн өрт чыккандыгы тууралуу маалымат түшүп, өрттү өчүрүүгө саат 16:28ден тарта ӨКМдин Токмок шаардык Өрткө каршы куткаруу бөлүгүнөн жалпы 3 күжүрмөн эсеп тартылып, тилсиз жоо саат 17:07 чектөөгө алынган.
Чүй айылында турак үйдөн чыккан өрт саат 18:05де өчүрүлдү. Такталган маалымат боюнча кырсыктан жабыркагандар жок.
Тилсиз жоодон үйдүн болжол менен 280 чарчы метри күйгөн.
Пикир
Оставить комментарий